درس ( 2 ) 

السلام عليكم في الصوره السابقه كانت الفكره اني اصور المودل مع سيارته في اللكيشن لانه عجبني وايد اول الصعوبات المكان ظلمه لي درجه انك ماتقدر تشوف ايدك هذا الشي سبب صعوبه في توزيع الاضائه لاني معتمد علي السبيد ليت ومافي مدلنج ليت الصعوبه الثانيه اني اخذ الفوكس والمكان مافي اضائه وكنتراست عالي البدايه اني ارتب العناصر بالمكان المودل وين والسياره وين المرحله الي بعدها اضائه المودل وهو العنصر الاساسي بالصوره فكانت الاضائه رقم (١) وهو فلاش سبيد ليت مع امبريلا بيضه موجه علي المودل بزاويه (٤٥) علشان انور المودل واكبر مساحه من المكان كانت ناجحه حبيت ازيد جماله الاضائه ونفس الوقت ابي انور العنصر الثاني بالصوره الي اهي السياره ونفس الوقت ابي اوفر فلاشات فكانت الاضائه رقم (٢) الهدف منها ان تكون كيك ليت للمودل وايضا اضائه لمقدمه السياره وتنوير اكبر مساحه بين المودل والسياره اهني تقريبا نورت جزء كبير من الصوره لكن السياره ناقصه فيت الاضائه رقم (٣) وهذي بالاساس كانت علشان تنور السياره من الجنب بالاضافه الي اضائه المكان من جهة اليسار بعدها قررت اضيف جماليه للصوره فيت الاضائه رقم (٤) هذي الاضائه كانت علشان تنور السموك الي بالصوره وتعطينا التاثير الي شايفينه لكن احلي شي شنو تدرون السموك عباره عن غبار سواه بريرله بعدها انتبهت ان السقف اسود ومخرب الصوره فيت الاضائه رقم (٥) وهو فلاش سبيد ليت عليه جل احمر موجه الي السقف ملاحظه : لاتستعيل وتستانس من اول لقطه تاخذها عط نفسك الوقت للتفكير هل في شي ناقص هل ممكن اسوي شي يخليها اجمل لاتطلع من اللكيشن الي انت متاكد كلشي تمام واخذ اكبر قدر من الصور وحاول تغير الزاويه ممكن تكتشف زاويه اجمل من زاويتك كل التوفيق يارب

( صورة للتوضيح )